پارا چنار: کرم بار کونسل کے انتخابات مکمل: محمود علی طوری صدر اور عمر اقبال بنگش جنرل سیکرٹری منتخب

پاراچنار (محمد صادق) خیبر پختونخوا کے قبائلی ضلع پاراچنار کی تاریخ میں پہلی دفعہ بار کونسل کا قیام عمل میں لایا گیا۔ الیکشن کی تقریب میں ضلع ٹل سے آئے ہوئے وکیل رہنماؤں نے بھی شرکت کی۔

تفصیلات کے مطابق جوڈیشل کمپلیکس پاراچنار میں ضلع کرم بار کونسل کا انتخابی اجلاس منعقد ہوا، انتخابی اجلاس میں ٹل بار کونسل کے جنرل سیکرٹری ساجد خان ایڈوکیٹ، مکرم شاہ ایڈوکیٹ کی نگرانی میں انتخابات ہوئے جس میں نوجوان وکیل محمود علی طوری کو ووٹنگ کے ذریعے صدر اور عمر اقبال بنگش جنرل سیکرٹری منتخب کئے گئے۔

اس موقع پر اپنے خطاب میں ضلع کرم بار ایسوسی ایشن کے صدر محمود علی طوری نے کہا کہ پاراچنار کی تاریخ میں پہلی دفعہ بار کونسل عمل میں لایا گیا ہے اور ان پر جس اعتماد کا اظہار کیا گیا ہے اس پر وہ پورا اتریں گے۔

اس موقع پر سماجی رہنما عامر عباس ایڈوکیٹ کا کہنا تھا کہ اب وقت آگیا ہے کہ عدالت کے ذریعے قبائلی اضلاع کے غریب اور مظلوم طبقے کے لوگ اپنے حقوق حاصل کریں اور علاقے میں ظلم اور ناانصافی کا راستہ روک لیں۔