پاکستان کے زیرِ انتظام کشمیر میں 8 پولیس اہلکار مبینہ طور پر اغوا، پولیس کا کالعدم تنظیم پر الزام

مظفرآباد(ڈیلی اردو) پاکستان کے زیرِ کنٹرول کشمیر میں پولیس نے الزام عائد کیا ہے کہ کالعدم عوامی جوائنٹ ایکشن کمیٹی نے 8 پولیس اہلکاروں کو اغوا کرکے مبینہ طور پر تشدد کا نشانہ بنایا ہے۔

پولیس ترجمان ایس ایس پی خاور علی شوکت نے پریس کانفرنس میں بتایا کہ مغوی اہلکاروں کی رہائی کے لیے مطالبہ کیا گیا ہے اور انہیں کسی قسم کا نقصان پہنچنے کی صورت میں سنگین نتائج کا انتباہ دیا گیا ہے۔

ان کے مطابق راولاکوٹ میں حالیہ پرتشدد احتجاج کے دوران خواتین اور بچوں کو مبینہ طور پر ڈھال کے طور پر استعمال کیا گیا، جبکہ سرکاری املاک کو بھی نقصان پہنچایا گیا۔ پولیس کا کہنا ہے کہ ریاستی عملداری کو چیلنج کرنے والی کارروائیوں کو برداشت نہیں کیا جائے گا۔

ایس ایس پی خاور علی شوکت نے والدین سے اپیل کی کہ وہ اپنے بچوں پر نظر رکھیں اور انہیں پرتشدد سرگرمیوں کا حصہ بننے سے روکیں۔ انہوں نے کہا کہ ریاست صورتحال پر تحمل کا مظاہرہ کر رہی ہے، تاہم اسے کمزوری نہ سمجھا جائے۔