پشاور سے تحریک طالبان پاکستان کے 3 دہشت گرد گرفتار، بھاری مقدار میں اسلحہ برآمد

پشاور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) نے پشاور میں کارروائی کرتے ہوئے کالعدم تنظیم تحریک طالبان پاکستان (ٹی ٹی پی) کے تین دہشت گرد کو گرفتار کر لیا۔

تفصیلات کے مطابق کاؤنٹر ٹیرارزم ڈیپارٹمنٹ پشاور کی سپیشل چھاپہ مار ٹیم کو مخبر نے اطلاع دی کہ کالعدم تنظیم تحریک طالبان پاکستان سے تعلق رکھنے والے تین اہم دہشتگردی کی منصوبہ بندی کی غرض سے جائے وقوعہ پر موجود ہیں۔

ٹیم نے اطلاع کو مصدقہ جانتے ہوئے کارروائی کے دوران کالعدم تنظیم تحریک طالبان پاکستان کے تین دہشت گردوں صاحب خان ولد دولت، محمد امین ولد ناصر خان، محمد آیاز ولد شہزاد نور کو رینگ روڈ نزد زنتارہ سے گرفتار کرلیا۔

دوران تفتیش ملزمان نے انکشاف کیا کہ انہوں نے ذگی غر میں دہشتگردی کے غرض سے بارودی مواد چھپا رکھا ہے۔

ملزان کی نشاندہی پر ذگی غر سے بارودی مواد آر پی جی سیون کے چار عدد گولے، چار عدد بوسٹر، چار عدد ہینڈ گرنیڈز، ایک عدد راکٹ لانچر، پانچ عدد ہینڈ گرنیڈ کے ڈیٹونیٹر اور چار عدد خالی کور برآمد کئے۔

ملزمان کو مزید تفتیش کے لیے نامعلوم مقام پر منتقل کردیا گیا ہے۔