پشاور میں پولیس موبائل پر فائرنگ، دو اہلکار ہلاک، آفیسر زخمی

اسلام آباد (ش ح ط) صوبہ خیبر پختونخوا کے دارالحکومت پشاور میں پولیس موبائل پر نامعلوم افراد کی فائرنگ کے نتیجے میں دو پولیس اہلکار ہلاک ہو گئے ہیں۔

پشاور کے علاقے تھانہ متنی کی حدود میں نامعلوم مسلح افراد نے پولیس موبائل اسکواڈ پر فائرنگ کردی، جس کے نتیجے میں کانسٹیبل شیر اکبر اور جان علی ہلاک جبکہ اسسٹنٹ سب انسپکٹر (اے ایس آئی ) نوتھیہ خان شدید زخمی ہوگیا۔

https://twitter.com/ShabbirTuri/status/1552324528730021888?t=f84PLMfAsZf8mX0QaCZKbw&s=19

واقعے کے بعد ملزمان جائے وقوع سے فرار ہونے میں کامیاب ہوگئے۔

حکام کے مطابق واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی، اور علاقے کو گھیرے میں لے لیا، واقعے میں ایک افسر نوتھیہ خان زخمی بھی ہوا ہے، لاشوں اور زخمی کو قریبی ہسپتال منتقل کردیا گیا ہے۔ جبکہ ملزموں کی تلاش کیلئے پولیس نے علاقے پر سرچ آپریشن شروع کردیا ہے۔