پنجاب: جہلم میں گاڑی پر فائرنگ، کالعدم جماعت الدعوہ کا انتہائی اہم رہنما سمیت 3 افرادہلاک

واشنگٹن (ش ح ط) پاکستان کے صوبہ پنجاب کے ضلع جہلم میں منگلا بائی پاس (دینہ) کے قریب نامعلوم موٹرسائیکل سواروں نے ویگو ڈالے پر اندھا دھند فائرنگ کردی، جس کے نتیجے میں کالعدم جماعت الدعوہ کے اہم ترین رہنما سمیت تین افراد ہلاک جبکہ ایک زخمی شخص کو راولپنڈی کے ملٹری ہسپتال منتقل کر دیا گیا ہے۔

حکام کے مطابق ہلاک ہونے والوں میں ایک کی شناخت ندیم عرف ابو قتال کے نام سے ہوئی ہے۔ جو کہ کالعدم جماعت الدعوہ کا اہم کمانڈر ہے۔

ذرائع کے مطابق، ہلاک ہونے والے افراد کا تعلق کالعدم جماعت الدعوہ سے بتایا جا رہا ہے۔ حملے کے بعد ملزمان فرار ہونے میں کامیاب ہوگئے۔

ذرائع کا کہنا ہے کہ ہلاک شدگان میں ایک انتہائی اہم شخصیت شامل ہے۔

جبکہ پولیس اور حساس اداروں نے جائے وقوعہ پر پہنچ کر شواہد اکٹھے کرنا شروع کر دیے ہیں۔