پنجاب: راجن پور میں پولیس کی کارروائی، 4 دہشت گرد گرفتار

لاہور (ڈیلی اردو) صوبہ پنجاب کے ضلع راجن پور کی تحصیل روجھان میں پولیس نے کارروائی کے دوران 4 دہشت گردوں کو گرفتار کرلیا، اور ان کے قبضے سے سے دو بارودی سرنگیں برآمد کرلیں، دہشت گرد اہم مقامات پر دہشت گردی کا منصوبہ بنارہے تھے۔

تفصیلات پولیس نے روجھان کے علاقے گوٹھ مزاری میں کامیاب کارروائی کرتے ہوئے دہشت گردی کا بڑا منصوبہ ناکام بنا دیا، اور 4 دہشت گردوں کو گرفتار کرکے بارودی مواد برآمد کرلیا۔

ڈی پی اقدامات محمد کے مطابق خفیہ اطلاع پر پولیس نے گوٹھ مزاری کے علاقہ میں ایک گھر پر کارروائی کی، تو وہاں 4 دہشت گرد موجود تھے، پولیس نے حکمت عملی سے چاروں دہشت گردوں کو گرفتار کرلیا۔

ڈی پی او کے مطابق گرفتار دہشت گردوں سے دو بارودی سرنگیں برآمد کرلی گئی ہیں، دہشت گرد اہم مقامات پر دہشت گردی کا منصوبہ بنارہے تھے۔ بم ڈسپوزل اسکواڈ نے بارودی سرنگین کو ناکارہ بنا دیا ہے، جبکہ علاقہ کا سرچ آپریشن جاری ہے۔