پنجاب سے کالعدم تحریک طالبان پاکستان اور داعش کے 12 دہشت گرد گرفتار

لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے مختلف علاقوں میں کارروائی کے دوران کالعدم تنظمیوں کے 12 دہشت گردوں کو گرفتار کرلیا۔

سی ٹی ڈی پنجاب کی سرگودھا، راولپنڈی، ملتان، بہاولپور اور گوجرانوالہ میں انٹیلی جنس بیسڈ آپریشنز، کالعدم تحریک طالبان پاکستان اور داعش کے 12 دہشت گرد گرفتار، دہشت گردوں سے بارودی مواد، خودکش جیکٹ، ڈیٹونیٹر، دستی بم اور نقدی برآمد#CTD #TTP #ISIS #Pakistan

— Shabbir Hussain Turi (@ShabbirTuri) May 27, 2023

ترجمان سی ٹی ڈی کے مطابق پنجاب کے اضلاع سرگودھا، راولپنڈی، ملتان، بہاولپور اور گوجرانوالہ میں انٹیلی جنس بیسڈ آپریشنز کیے گئے جن میں 12 دہشت گردوں کو گرفتار کیاگیا ہے۔

سی ٹی ڈی ترجمان کے مطابق گرفتار ہونے والے دہشت گردوں کی شناحت میر احمد، حبیب الرحمان، ہارون ، ضیاء، عمران، مدثر، عدیل اور فاروق کے نام سے ہوئی ہے۔

ترجمان کے مطابق گرفتار دہشتگردوں کا تعلق کالعدم تحریک طالبان پاکستان اور داعش سے ہے۔

ترجمان کے مطابق گرفتار دہشت گردوں سے بارودی مواد، خودکش جیکٹ، ڈیٹونیٹر، دستی بم اور نقدی برآمد کی گئی ہے۔