پنجاب میں سی ٹی ڈی کی کارروائیاں، داعش کمانڈر سمیت 5 دہشت گرد گرفتار

لاہور (نمائندہ ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں کارروائیاں کرکے 5 دہشت گردوں کو گرفتار کر لیا۔

تفصیلات کے مطابق ترجمان سی ٹی ڈی کا کہنا ہے کہ گوجرانوالہ اور ملتان سے کالعدم تنظیم کے 5 دہشت گرد گرفتار کیے گئے ہیں۔

ترجمان کے مطابق گوجرانوالہ سے کالعدم تنظیم داعش کا اہم کمانڈر ساتھی سمیت گرفتار کیا گیا۔ دہشت گردوں کے قبضے سے بارودی مواد ، ڈیٹو نیٹرز، موبائل فون، اسلحہ اور افغان شناختی کارڈ برآمد کیے گئے۔

سی ٹی ڈی حکام کا کہنا ہے کہ گرفتار دہشت گردوں کی شناحت حنیف، سید عرف سیدو، طارق، خالد اور عبدالستار کے ناموں سے ہوئیں۔ گرفتار دہشت گردوں کے خلاف مقدمات درج کرکے تفتیش جاری ہے۔

سی ٹی ڈی ترجمان کے مطابق رواں ہفتے میں مختلف کارروائیوں کے دوران 46 مشتبہ افراد گرفتار کیا جاچکا ہے۔