پنجاب کے سابق وزیر اعجاز عالم آگسٹن کی گاڑی پر فائرنگ

👁️ 72 بار دیکھا گیا

ایڈمن

امریکا

لاہور (ڈیلی اردو) پنجاب کے سابق وزیر انسانی حقوق و اقلیتی امور اعجاز عالم آگسٹن کی گاڑی پر موٹر سائیکل سواروں نے فائرنگ کی ہے۔

اس حوالے سے پولیس کا کہنا ہے کہ سابق وزیر اعجاز عالم آگسٹن اور ان کا بھتیجا فائرنگ میں محفوظ رہے۔

ایف آئی آر کے متن کے مطابق 2 موٹر سائیکل سواروں نے رائیونڈ روڈ ظفر کے پھاٹک کے قریب فائرنگ کی۔

پولیس نے بتایا ہے کہ واقعے کا جائزہ لیا ہے، ملزمان کو تلاش کر رہے ہیں۔

سابق صوبائی وزیر اعجاز عالم آگسٹن نے کہا ہے کہ میری کسی سے کوئی دشمنی نہیں، میں نے کبھی جانبدار سیاست نہیں کی۔

انہوں نے یہ بھی کہا ہے کہ واقعے سے لگتا ہے کہ ملزمان کسی واردات کے لیے آئے ہوں گے۔