چارسدہ میں دہشت گردی کامنصوبہ ناکام، کالعدم ٹی ٹی پی کے 2 دہشت گرد گرفتار

چارسدہ (نمائندہ ڈیلی اردو) صوبہ خیبر پختونخوا کے ضلع چارسدہ پولیس نے دہشت گردی کا بڑا منصوبہ ناکام بناتے ہوئے 2 دہشت گردوں کو گرفتار کرلیا ہے۔

ضلع چارسدہ کے علاقے شب قدر میں پولیس نے کارروائی کرتے ہوئے کالعدم تنظیم کے دو دہشت گردوں کو گرفتار کرلیا۔

چارسدہ : شبقدر پولیس کی بڑی کاروائی، دہشتگردی کا بڑا منصوبہ ناکام بنادیا، کالعدم تنظیم کے دو دہشتگرد گرفتار

دہشتگروں کے قبضے سے 10کلو بارود، 93فٹ پرآئما کارڈ، 2عدد آر پی جی7 گولے بمعہ 3عدد آر پی جی7 کارٹیجر، 6فٹ سیفٹی فیوز، 3عدد ڈیٹونیٹر، 3عدد ریسیور جبکہ 3عدد ہینڈ گرنیڈ برآمد pic.twitter.com/VaUjVEs9KY

— KP Police (@KP_Police1) March 8, 2023

گرفتار ہونے والے دہشت گرد کی شناخت محمد اصغر عرف جلالے اور جہانزیب کے ناموں سے ہے۔

ڈی پی او چارسدہ محمد عارف کا کہنا ہے کہ دہشت گردوں کے قبضے سے بارودی مواد، دستی بم اور مارٹر گولے برآمد ہوئے ہیں، جو کہ دہشت گردی کی کارروائی میں استعمال ہونے تھے۔

دہشتگردوں کا تعلق کالعدم تنظیم تحریک طالبان طالبان پاکستان سے ہے اور وہ اس سے قبل بھی تخریب کاری کی کارروائیوں میں ملوث رہ چکے ہیں۔