چارسدہ میں نامعلوم افراد کی فائرنگ سے پولیس اہلکار ہلاک

چارسدہ (نمائندہ ڈیلی اردو) صوبہ خیبر پختون خوا کے ضلع چارسدہ میں نامعلوم افراد کی فائرنگ سے ایک پولیس اہلکار ہلاک ہوگیا ہے۔

https://twitter.com/ShabbirTuri/status/1598211861631336448?t=zAwCHWO4VbDZyXJi9zSIlA&s=19

پولیس کے مطابق تھانہ تنگی کی حدود میں نامعلوم افراد کی فائرنگ سے پولیس اہلکار ہلاک ہوگیا۔

پولیس کے مطابق اہلکار زرمست خان ڈیوٹی سے واپس گھر جا رہا تھا کہ راستے میں نامعلوم افراد نے فائرنگ کرکے اہلکار کو موت کے گھاٹ اتار دیا۔ مقتول پولیس اہلکار ایکسائز دفتر کے نائٹ شفٹ میں ڈیوٹی پر معمور تھا۔

پولیس نے سرچ آپریشن شروع کر دیا جبکہ لاش پوسٹ مارٹم کے لیے تنگی ہسپتال منتقل کر دی گئی۔