ڈی آئی خان: دہشت گرد سرکاری پک اپ چھین کر فرار، سیکیورٹی ہائی الرٹ

ڈیرہ اسماعیل خان (نمائندہ ڈیلی اردو) خیبرپختونخواہ کے شورش زدہ ضلع ڈیرہ اسماعیل خان میں دہشت گرد ڈیرہ اسماعیل خان میں محکمہ زراعت کی سرکاری سفید رنگ کی پک اپ گاڑی نمبر AA-3975 چھین کر فرار ہوگئے، تاہم گاڑی میں سوار سرکاری ملازمین کو بحفاظت چھوڑ دیا گیا۔

ذرائع کے مطابق دہشت گرد سرکاری گاڑی کو کسی ممکنہ تخریبی یا دہشت گردی کی کارروائی میں استعمال کرسکتے ہیں، جس کے پیش نظر سیکیورٹی اداروں نے علاقے میں نگرانی مزید سخت کردی ہے۔

اطلاعات کے مطابق کھوئی بارہ روڈ، کلاچی، درابن، چودھوان، زرکنی، درازندہ اور مغل کوٹ سمیت ملحقہ علاقوں میں سیکیورٹی پوسٹوں اور چیک پوسٹوں کو ہائی الرٹ کردیا گیا ہے۔ اہلکاروں کو مشکوک گاڑیوں کی کڑی نگرانی اور کسی بھی ممکنہ خطرے سے نمٹنے کے لیے مکمل چوکس رہنے کی ہدایات جاری کی گئی ہیں۔