ڈیرہ اسماعیل خان میں کالعدم تحریک طالبان پاکستان کے کمانڈر ساتھی سمیت مارا گیا

ڈی آئی خان (ڈیلی اردو) صوبہ خیبر پختونخوا کے ضلع ڈیرہ اسماعیل خان میں پولیس اور انٹیلیجنس اداروں نے مشترکہ آپریشن کرتے ہوئے کالعدم تنظیم تحریک طالبان پاکستان کے کمانڈر کو ساتھی سمیت ہلاک کردیا۔

پولیس کے مطابق دہشت گردوں کی موجودگی کی اطلاع پر ڈیرہ اسماعیل خان کے علاقے تھانہ درابن کے دامانی ایریا میں پولیس اور انٹیلیجنس ایجنسیوں نے مشترکہ اپریشن کیا اس دوران دہشت گردوں کی جانب سے پولیس پر فائرنگ کی گئی۔

پولیس کا کہنا ہے کہ آپریشن کے دوران پولیس کی جوابی فائرنگ کے نتیجے میں 2 دہشت گرد مارے گئے۔ ہلاک ہونے والے دہشت گردوں کی شناخت حاجی اکبر اور اور عجب گل کے نام سے ہوئی، ہلاک دہشت گرد دہشتگردانہ کاروائیوں میں ملوث اور پولیس کو مطلوب تھے۔

https://twitter.com/ShabbirTuri/status/1410983211241410563?s=19

پولیس کے مطابق ہلاک ہونے والوں میں عجب گل نے خود کش کی ٹریننگ بھی کی ہوئی تھی جب کہ حاجی اکبر تحریک طالبان پاکستان (ٹی ٹی پی) گنڈہ پور مڈی کا کمانڈر تھا اور ان کے پاس ٹی ٹی پی کے کارڈ بھی موجود تھے جب کہ دہشتگردوں سے خودکش بم میں استعمال ہونے والا مواد اور دیسی ساختہ بم بھی برآمد ہوئے۔