ڈیرہ اسماعیل خان: کلاچی میں تحریک طالبان پاکستان کے دو دہشت گرد مارے گئے

ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان کی تحصیل کلاچی میں سکیورٹی فورسز کے آپریشن میں دو دہشت گرد مارے گئے۔

سرکاری ذرائع کے مطابق ڈیرہ اسماعیل خان کی تحصیل کلاچی کے علاقے کوٹ دولت اور اٹل شریف میں سکیورٹی فورسز نے آپریشن کیا جس کے نتیجے میں کالعدم تنظیم کے دو دہشت گرد مارے گئے۔

Report:

Two alleged TTP militants Mohammed Ramzan and Abdul Rehman killed by Pakistani security in a CT op in Kalachi, DI Khan. #Pakistan https://t.co/RbYkkO1XhV

— FJ (@Natsecjeff) April 18, 2022

ذرائع کا کہنا ہے کہ ہلاک ہونے والے دہشت گردوں کا تعلق کالعدم تحریک طالبان پاکستان (ٹی ٹی پی) گنڈا پور گروپ سے تھا، مارے جانے والے دہشت گردوں میں محمد رمضان اور عبدالرحمان شامل ہیں۔

ذرائع کے مطابق ہلاک دہشت گرد انسداد پولیو ٹیموں، پولیس، سکیورٹی فورسز پر حملوں میں مطلوب تھے۔

ذرائع کا کہنا ہے کہ مارے گئے دہشتگردوں کے قبضے سے اسلحہ اور بارودی مواد برآمد کرلیا گیا ہے۔