ڈیرہ غازی خان سے کالعدم تحریک طالبان پاکستان کے 2 دہشت گرد گرفتار

ڈی جی خان (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے ڈیرہ غازی خان کو بڑی تباہی سے بچالیا۔

سی ٹی ڈی نے ڈیرہ غازی خان سے کالعدم تجریک طالبان پاکستان کے دو دہشت گردوں سبحان اللہ الیاس اور مسعود الرحمان کو گرفتار کر لیا، گرفتار دہشت گردوں کے قبضے سے ہینڈ گرنیڈ، بارودی مواد، سیفٹی فیوز، ڈیٹونیٹر، بال بئیرنگ اور دیگر سامان برآمد ہوا۔#CTD #TTP #DGKhan #Pakistan

— Shabbir Hussain Turi (@ShabbirTuri) February 13, 2023

سی ٹی ڈی نے کالعدم تحریک طالبان پاکستان (ٹی ٹی پی) کے 2 دہشت گرد گرفتار کرلیے ہیں۔

ترجمان سی ٹی ڈی کے مطابق ڈیرہ غازی خان میں کارروائی کے دوران کالعدم جماعت کے 2 دہشت گرد کو گرفتار کیا گیا ہے۔

سی ٹی ڈی ترجمان کے مطابق پکڑے گئے دہشت گردوں میں سبحان اللہ الیاس اور مسعود الرحمان شامل ہیں

سی ٹی ڈی ترجمان کے مطابق گرفتار ملزمان سے ہینڈ گرنیڈ، بارودی مواد، سیفٹی فیوز، ڈیٹونیٹر، بال بئیرنگ اور دیگر سامان مواد برآمد ہوا۔

ترجمان سی ٹی ڈی کے مطابق گرفتار دہشت گرد جنوبی پنجاب میں تخریب کاری کا منصوبہ بنا چکے تھے۔

ملزمان کے خلاف مقدمہ درج کرکے تفتیش کے لیے نامعلوم مقام پر منتقل کردیا، گرفتار دہشت گردوں سے جاری تفتیش میں اہم انکشافات کی توقع ہے۔