کراچی سے داعش خراسان کا اہم رکن گرفتار

کراچی (ڈیلی اردو) کاؤنٹر ٹیررزم ڈیپارٹمنٹ (سی ٹی ڈی) نے کراچی کے علاقے بلوچ کالونی پل کے قریب کارروائی کرتے ہوئے کالعدم تنظیم کا مبینہ دہشتگرد گرفتار کرلیا۔

Report: An alleged IS (ISKP/ISPP) operative was arrested from Karachi city. #Pakistan https://t.co/viGcXk9iOo

— FJ (@Natsecjeff) August 9, 2023

سی ٹی ڈی نے انٹیلی جنس بیسڈ کارروائی میں کالعدم تنظیم داعش کا اہم ملزم سراج الحق عرف قاری کو گرفتار کرلیا، ملزم کے قبضے سے غیرقانونی اسلحہ بھی برآمد کرلیا گیا۔

ترجمان کا کہنا ہے کہ ملزم اپنے ساتھیوں کے ساتھ مل کر علاقے سے کالعدم تنظیم کیلئے چندہ اکھٹے کرتا تھا، اور اس چندے سے اپنی تنظیم کی مالی مدد کرتے تھے۔

ترجمان کے مطابق ملزم نے اکتوبر 2022 میں قائد آباد میں مسیحی برادری سے تعلق رکھنے والے سلمون مسیح کو بھی ہلاک کیا تھا۔

ترجمان سی ٹی ڈی کا کہنا ہے کہ ملزم کے دیگر ساتھیوں کی گرفتاری کے لیے مزید تفتیش کی جارہی ہے۔