کراچی میں نامعلوم افراد کی فائرنگ سے جماعت اسلامی کا رہنما ہلاک

کراچی (ڈیلی اردو) کراچی میں شاہ لطیف ٹاؤن کے علاقے قذافی ٹاؤن گلشن عسکری میں جماعت اسلامی کے مقامی رہنما کو قتل کردیا گیا۔

کراچی قذافی ٹاﺅن گلشنِ عسکری کے قریب فائرنگ سے ایک شخص ہلاک ہوا جسے جناح اسپتال منتقل کیا گیا۔

ذرائع کے مطابق نامعلوم مسلح موٹر سائیکل سوار نذیر محمد کے گھر کے باہر کھڑے تھے اور نذیر شاہ کے گھر سے باہر نکلے ہی ملزمان نے ان پر فائرنگ کردی جس سے وہ موقع پر ہی چل بسے۔

نذیر احمد جماعت اسلامی کے سابق یو سی وائس چیئرمین تھے، وہ جماعت اسلامی ضلع ملیر کے عہدار بھی تھے۔

پولیس نے موقع پر پہنچ کر لاش کو جناح ہسپتال منتقل کیا۔

پولیس کی جانب سے موقع کی سی سی ٹی وی فوٹیج حاصل کرنے کی کوشش کر رہی ہے، پولیس نے کرائم سین کی ٹیم کو طلب کر لیا ہے۔

کراچی پولیس اور کرائم سین کی ٹیمیں موقع سے شاید اکٹھے کر رہی ہیں۔

واضح رہے کہ گزشتہ رات کراچی کے علاقے مچھی میانی کھارادر کے قریب فائرنگ سے پیپلز پارٹی کا کارکن دانش قریشی ہلاک ہوگیا تھا۔

پولیس کے مطابق 45 سالہ دانش قریشی کے قتل کی واردات ٹارگٹ کلنگ کا نتیجہ ہے۔