کرم: پاراچنار کے نواحی گاؤں بوشہرہ پر راکٹ حملہ

پاراچنار (نمائندہ ڈیلی اردو) صوبہ خیبر پختونخوا کے قبائلی ضلع کرم میں نامعلوم مسلح افراد کے راکٹ حملے میں بجلی کی تار ٹوٹ گئے اور علاقے میں بجلی کی فراہمی معطل ہوگئی۔

سرکاری ذرائع نے ڈیلی اردو کو بتایا کہ پاراچنار کے قریب اپر کرم کے نواحی علاقے بوشہرہ پردہ کلی پر نامعلوم مسلح افراد نے راکٹ لانچر سے حملہ کیا۔ راکٹ حملے سے بجلی کی تار ٹوٹ گئے اور واقعہ کے بعد ملحقہ علاقوں میں بجلی کی فراہمی بند ہے۔

https://twitter.com/ShabbirTuri/status/1569270805833609216?t=jVgkA1c5w9OpqEJdnDEl1w&s=19

گزشتہ روز بھی وسطی کرم کے علاقے پاڑہ چمنکی، گنداو میں مسلح افراد کے ساتھ جھڑپوں میں چار ایف سی اہلکار زخمی ہوگئے تھے۔

اس حملے کی ذمہ داری کالعدم تنظیم تحریک طالبان پاکستان نے قبول کی تھی۔ ترجمان محمد خراسانی نے دعویٰ کیا تھا کہ حملے میں دو اہلکار ہلاک اور تین زخمی ہوگئے تھے۔