کشمیر کاز اور کشمیریوں کے ساتھ اپنا تعاون جاری رکھیں گے، آرمی چیف

راولپنڈی (ڈیلی اردو) آرمی چیف جنرل قمر جاوید باجوہ سے صدر آزاد جموں و کشمیر سردار مسعود خان نے ملاقات کی ہے۔ آرمی چیف نے ایک بار پھر اس عزم کا اعادہ کیا ہے کہ کشمیر کاز اور کشمیری عوام کی ہر سطح پر حمایت جاری رکھیں گے۔

پاک فوج کے شعبہ تعلقات عامہ (آئی ایس پی آر) کے مطابق آزاد جموں و کشمیر کے صدر سردار مسعود خان نے جی ایچ کیو راولپنڈی کا دورہ کیا اور آرمی چیف جنرل قمر جاوید باجوہ سے ملاقات کی۔ ملاقات کے دوران باہمی دلچسپی کے امور بالخصوص لائن آف کنٹرول اور مقبوضہ کشمیر کی صورتحال پر تبادلہ خیال کیا گیا۔

January 21; Rawalpindi: Meeting with General Qamar Javed Bajwa, Chief of Army Staff (COAS) at the General Headquarters (GHQ). pic.twitter.com/9N0nm6zbqa

— Masood Khan (@Masood__Khan) January 21, 2020

آرمی چیف جنرل قمر جاوید باجوہ نے اس موقع پر اپنے اس عزم کا اعادہ کیا کہ پاک فوج کشمیر کے نصب العین کیلئے بھرپور حمایت جاری رکھے گی۔ کشمیر کاز اور کشمیریوں کے ساتھ اپنا تعاون جاری رکھیں گے۔