کوئٹہ: بلیلی خودکش دھماکے میں زخمی ہونا والا ایک اور پولیس اہلکار دم توڑ گیا

کوئٹہ (ڈیلی اردو) صوبہ بلوچستان کے صوبائی حکومت کوئٹہ کے علاقے بلیلی میں ہونے والے خودکش دھماکے کے نتیجے میں زخمی ہونے والا ایک اور پولیس اہلکار دم توڑ گیا۔

اسپتال انتظامیہ کے مطابق پولیس اہلکار گل جان سول اسپتال کے ٹراما سینٹر میں زیر علاج تھا، دھماکے میں ہلاک ہونے والے افراد کی تعداد چھ ہوگئی۔

اسپتال انتظامیہ کے مطابق سول اسپتال میں دھماکے کے مزید سات زخمی زیر علاج ہیں۔

واضح رہے کہ کوئٹہ کے علاقے بلیلی میں بلوچستان کانسٹیبلری کے ٹرک کے قریب خود کش دھماکے سے متعلق غلام اظفر مہیسر کا بتانا تھا کہ دھماکے کے نتیجے میں 22 اہلکاروں سمیت 27 افراد زخمی ہوئے ہیں۔

ڈی آئی جی کوئٹہ نے بتایا تھا کہ پولیو ڈیوٹی پر لے جانے والے پولیس کے ٹرک سے خودکش حملہ آور نے بارود سے بھرا رکشہ ٹکرایا تھا۔

اس حملے کی ذمہ داری کالعدم تنظیم تحریک طالبان پاکستان نے قبول کرلی ہے۔