کوئٹہ: کچلاک میں پولیس موبائل پر دستی بم حملہ اور فائرنگ، ایک اہلکار زخمی

کوئٹہ (ڈیلی اردو) بلوچستان کے صوبائی دارالحکومت کوئٹہ کے علاقے کچلاک میں گشت پر مامور پولیس کی گاڑی پر دستی بم حملہ اور فائرنگ کی گئی ہے۔

تفصیلات کے مطابق کوئٹہ کے نواحی علاقے کچلاک میں گشت پر معمور پولیس کی گاڑی پر دہشت گردوں نے فائرنگ اور دستی بم سے حملہ کیا، جس کے نتیجے میں ایک پولیس اہلکار زخمی ہوا۔

واقعے کی اطلاع موصول ہوتے ہی پولیس اور امدادی ٹیمیں موقع پر پہنچیں اور زخمی اہلکار کو طبی امداد کے لیے سول ہسپتال کوئٹہ منتقل کردیا جہاں ڈاکٹرز نے اُس کی حالت کو خطرے سے باہر قرار دیا ہے۔

واقعے کی اطلاع ملتے ہی پولیس اور امدادی ٹیمیں موقع پر پہنچ گئیں ، پولیس کی جوابی فائرنگ سےحملہ آور فرار ہوگیا ۔

پولیس کی جانب سے واقعے کی تفتیش کی جارہی ہے ۔