کوٹ ادو: اعتکاف میں بیٹھے 28 سالہ نوجوان کی 13 سالہ بچے سے بدفعلی

لاہور (ڈیلی اردو) صوبہ پنجاب کے ضلع کوٹ ادو میں اعتکاف میں بیٹھے نوجوان نے 13 سال کے بچے کو مبینہ بدفعلی کا نشانہ بنا ڈالا۔

پولیس کے مطابق واقعہ گزشتہ شب کوٹ ادو کے علاقے سنانواں میں پیش آیا جہاں اعتکاف میں بیٹھے 28 سالہ تنویر نے اعتکاف میں بیٹھے 13 سالہ بچے ام حسنین معاویہ کو مبینہ طور پر بدفعلی کانشانہ بنایا۔

متاثرہ بچے نے پولیس کو بیان دیا کہ ملزم تنویر نے اعتکاف کے دوران اپنے بستر میں لے جاکر اس سے بدفعلی کی، ملزم نے اس کے منہ پر ہاتھ رکھ دیا جس کی وجہ وہ شور نہ مچا سکا۔

متاثرہ بچے کے والد کی مدعیت میں ملزم کے خلاف زیادتی کا مقدمہ درج کرلیا گیا ہے اور پولیس نے واقعے کی مزید تفتیش اور ملزم کی شروع کردی ہے۔

دوسری جانب والد کی مدعیت میں درج مقدمے میں بتایا گیا کہ صدیق اکبر مسجد بکھی چوک کے قاری سعادت اللہ خان نے فون کر کے آنے کا کہا اور جب پہنچا تو بچے نے بتایا کہ ملزم نے واش روم میں اسے بدفعلی کا نشانہ بنایا۔