کوہاٹ میں نامعلوم افراد کی فائرنگ سے سی ٹی ڈی افسر سمیت دو افراد زخمی

کوہاٹ (نمائندہ ڈیلی اردو) صوبہ خیبر پختونخوا کے ضلع کوہاٹ میں نامعلوم موٹر سائیکل سواروں نے فائرنگ کرکے سی ٹی ڈی افسر سمیت دو افراد زخمی ہوگئے۔

کوہاٹ کے علاقے گھڑی مواز خان میں موٹر سائیکل سواروں نے پولیس کے جوانوں پراندھا دھند فائرنگ کر دی۔ زخمیوں میں سی ٹی ڈی افسر اے ایس آئی سہیل اور مقامی باشندہ باز محمد شامل ہے۔

فائرنگ کا واقعہ نماز فجر کے بعد پیش آیا جب پولیس افسر اور مقامی باشندہ مسجد سے باہر آرہے تھے۔

ڈی پی او کوہاٹ شفیع اللہ خان گنڈاپور پولیس کی بھاری نفری کے ہمراہ جائے وقوعہ پر پہنچے اورعلاقے کو گھیرے میں لے کر سرچ آپریشن شروع کردیا۔

بعد ازاں زخمیوں کو ہسپتال منتقل کردیا گیا جہاں انہیں ابتدائی طبی امداد فراہم کی جارہی ہیں۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔