کویت: ایران کی حمایت پر معروف ٹی وی میزبان جیل بھیج دی گئی

کویت سٹی (ڈیلی اردو) ایران کی حمایت سے متعلق سوشل میڈیا پوسٹس کے معاملے پر کویت کی ایک ٹی وی میزبان کو تین سال قید کی سزا سنائی گئی ہے، جبکہ اپیل عدالت نے بھی اس فیصلے کو برقرار رکھا ہے۔

رپورٹس کے مطابق کویتی نژاد ٹی وی میزبان زینب دشتی پر الزام تھا کہ انہوں نے سوشل میڈیا پر ایسے مواد کی تشہیر کی جسے حکام نے ایران نواز قرار دیا۔ کویتی حکام کے مطابق اسی بنیاد پر ان کے خلاف قانونی کارروائی کی گئی۔

رپورٹس میں کہا گیا ہے کہ یہ مقدمہ حالیہ مہینوں میں کویت میں سب سے زیادہ زیر بحث میڈیا مقدمات میں شمار کیا جا رہا ہے، جبکہ اس فیصلے نے اظہارِ رائے، میڈیا آزادی اور سوشل میڈیا سرگرمیوں سے متعلق نئی بحث بھی چھیڑ دی ہے۔

کویتی اپیل عدالت کی جانب سے سزا برقرار رکھنے کے بعد زینب دشتی کو دی جانے والی تین سال قید کی سزا اب برقرار رہے گی۔