آرمی چیف قمر جاوید باجوہ کا یوم شہداء پولیس کے موقع پر پولیس اور انکے اہلخانہ کو سلام

راولپنڈی (کاشف محمود) آرمی چیف جنرل قمر جاوید باجوہ نے پولیس شہداء کو سلام پیش کیا ہے۔

ڈی جی آئی ایس پی آر میجر جنرل عبدالغفور نے سماجی رابطے کی ویب سائٹ پر ٹویٹ میں کہا ہے کہ آرمی چیف جنرل قمر جاوید باجوہ نے پاکستان پولیس کے شہدا اور ان کے اہلخانہ کو سلام پیش کرتے ہوئے کہا کہ پولیس نے ہمیشہ مضبوط فورس ہونے کا ثبوت دیا ہے ،پاکستان پولیس نے انسداد دہشتگردی آپریشنز میں کلیدی کردار ادا کیا۔

“Salute to martyrs of Pakistan Police & their families on Police Martyrs Day. Pakistan Police over the years has proved to be a strong professional force. Pakistan Police has made phenomenal contributions alongside other security forces in counter terrorism operations”, COAS.

— DG ISPR (@OfficialDGISPR) August 4, 2019

واضح رہے کہ آج دہشت گردی کے خلاف جنگ میں اپنی جانوں کا نذرانہ پیش کرنے والے پولیس کے افسروں اور جوانوں کو خراج عقیدت پیش کرنے کے لئے آج یوم شہدائے پولیس منایا جا رہا ہے۔

یاد رہے کہ 4 اگست 2010 کے دن دہشت گردوں نے ایک خود کش حملے میں آئی جی ایف سی صفوت غیور کو شہید کردیا تھا ۔ یوم شہدائے پولیس کے منانے کا مقصد قوم کے ان بہادر سپوتوں کی شجاعت کو سلام پیش کرنا اور ان کے اہلخانہ کے ساتھ ان کی یاد میں بڑی تقاریب کا انعقاد کرنا ہے۔