اسامہ بن لادن کا بیٹا اور القائدہ کا سربراہ حمزہ بن لادن مارا گیا

واشنگٹن (مانیٹرنگ ڈیسک) امریکی حکام نے دعویٰ کیا ہے کہ القاعدہ کے سابق لیڈر اسامہ بن لادن کے بیٹے حمزہ بن لادن ایک حملے میں مارے گئے ہیں۔

امریکی نیوز چینل این بی سی کے مطابق تین امریکی حکام نے دعویٰ کیا ہے کہ القاعدہ کے سابق لیڈر اسامہ بن لادن کے بیٹے حمزہ بن لادن ہلاک ہو چکے ہیں، وہ دہشتگرد تنظیم کے سربراہ کے طور پر کام کر رہے تھے۔

NEW: US has obtained intel that Hamza bin Laden, the son and potential successor of al Qaeda leader Osama bin Laden, is dead, according to three US officials. https://t.co/7lzg2mWDMi – @ckubeNBC

— NBC News (@NBCNews) July 31, 2019

امریکی میڈیا کا کہنا ہے کہ اس حوالے سے کوئی واضح اطلاعات نہیں ہیں۔ جیسی ہی اطلاعات سامنے آئینگی میڈیا کے ذریعے سب کو آگاہ کیا جائے گا۔

القاعدہ کے سابق لیڈر اسامہ بن لادن کے بیٹے کے بارے میں امریکی سٹیٹ ڈیپارٹمنٹ نے اطلاع دینے والے کو 10 لاکھ ڈالر نقد انعام دینے کا اعلان کر رکھا ہے۔

برطانوی خبر رساں ادارے کی جانب سے بار بار اطلاع کیے جانے کے بعد بھی امریکی سٹیٹ ڈیپارٹمنٹ نے ابھی تک خبر کی تصدیق نہیں کی ہے۔

برطانوی میڈیا کے مطابق حمزہ بن لادن نے اپنے والد اسامہ بن لادن کے جہادی نظریے کو پروان چڑھایا اور دنیا بھر کے مسلمانوں کو جہاد میں آگے آنے کی تلقین کی۔ حمزہ نے اپنے والد کی ہلاکت کے بعد امریکا سے بدلہ لینے کی دھمکی بھی دی تھی۔

یاد رہے کہ حمزہ بن لادن 1989ء کو پیدا ہوئے تھے، ان کے والد 1996ء کو افغانستان منتقل ہو گئے تھے اور امریکا کے خلاف جنگ کا اعلان کیا تھا۔