اسرائیلی فوج کے چھاپوں کے دوران پانچ فلسطینی ہلاک

غزہ (ڈیلی اردو) فلسطینی وزارت صحت کے مطابق مقبوضہ مغربی کنارے میں اسرائیلی فوج نے چھاپوں کے دوران کم از کم پانچ فلسطینیوں کو ہلاک کر دیا ہے۔ تاہم ابھی تک ہلاک ہونے والوں کی شناخت ظاہر نہیں کی گئی ہے۔

BREAKING: Israeli military says it killed 4 Palestinian militants in separate West Bank shootouts. https://t.co/HzuT9bUVXp

— The Associated Press (@AP) September 26, 2021

اسرائیلی فوج کی جانب سے اس حوالے سے ابھی کوئی بیان سامنے نہیں آیا ہے۔

اسرائیلی میڈیا کے مطابق ہلاک ہونے والے فلسطینی حماس کے عسکری ونگ کے رکن تھے اور مختلف مقامات پر فائرنگ کے تبادلے کے دوران مارے گئے ہیں۔

Another 4 Palestinian young men were killed by Israel this morning! Nothing to say but **** world!#FreePalestine pic.twitter.com/EmsgViQfgd

— S A R A H✌️???????? (@sarabahaa94) September 26, 2021

عرب میڈیا کے مطابق جھڑپوں کے دوران اسرائیلی فوج کی جانب سے فلسطینیوں پر فائرنگ کی گئی جبکہ فلسطینی مظاہرین کی جانب سے اسرائیلی فوجیوں پر پتھراؤ کیا گیا۔

فلسطینی حکام کا کہنا ہے کہ اسرائیلی فورسز کی فائرنگ سے ایک شخص جنین میں ہلاک ہوا جبکہ یروشلم میں تین فلسطینی ہلاک ہوئے جن کی لاشیں اسرائیلی فورسز نے اپنی تحویل میں لے لی ہیں۔

عرب میڈیا کے مطابق فلسطینیوں سے جھڑپ میں دو اسرائیلی فوجی زخمی بھی ہوئے۔

اسرائیلی فوج نے جنوبی بیت اللحم سے تین نوجوانوں کو گرفتار بھی کر لیا۔

خبرایجنسی کے مطابق اسرائیل اور حماس کے درمیان مغربی کنارے میں تصادم بھی ہوا۔