اسرائیل کی غزہ میں حماس کے ٹھکانوں پر بمباری

غزہ (ڈیلی اردو) فلسطین کے علاقے غزہ کی پٹی پر اسرائیلی فوج نے گذشتہ شب بمباری کی تاہم ان حملوں میں کسی قسم کا جانی نقصان نہیں ہوا ہے۔

مرکز اطلاعات فلسطین کے مطابق اسرائیلی جنگی طیاروں نے رفح شہر کے مشرق میں واقع بین الاقوامی ہوائی اڈے کے اطراف میں بم باری کی۔

ادھر اسرائیلی فوج نے غزہ کے وسطی شہر خان یونس میں القرارہ کے مقام پر بمباری کی۔

ادھر اسرائیلی فوج نے غزہ کے وسطی علاقے دیر البلح میں وادی السلقا کے مقام پر اسلامی تحریک مزاحمت (حماس) کے ایک عسکری کیمپ کو نشانہ بنایا۔

اسرائیلی فوج نے غزہ کی پٹی میں سرحد کے قریب متعدد مقامات پر حماس کے عسکری ٹھکانوں پر وحشیانہ اور ٹینکوں سے گولہ باری کی۔

In response to the rocket that was fired from #Gaza into #Israel earlier this evening, our fighter jets & tanks just targeted underground Hamas infrastructure and military posts.

— Israel Defense Forces (@IDF) June 15, 2020

قبل ازیں اسرائیلی فوج نے دعویٰ کیا تھا کہ غزہ کی پٹی سے داغا ایک راکٹ اسرائیلی کالونی جا گرا ہے۔