اسلام آباد میں نامعلوم افراد کی فائرنگ سے پاک فوج کا میجر ”لاریب حسن“ جاں بحق

اسلام آباد (نمائندہ ڈیلی اردو) وفاقی دارالحکومت اسلام آباد میں فائرنگ سے پاک فوج کا حاضر سروس میجر جاں بحق۔

تفصیلات کے مطابق اسلام آباد میں تھانہ کراچی کمپنی کے علاقہ جی نائن میں فائرنگ کرکے نوجوان میجر کو قتل کر دیا گیا ہے۔ ترجمان اسلام آباد پولیس نے بتایا ہے کہ مقتول کی شناخت محمد لاریب حسن ولد محمد حسن کے نام سے ہوئی ہے۔محمد لاریب حسن پاک فوج کا ملازم ہے جس کی اٹک میں پوسٹنگ تھی اور وہ کراچی کا رہائشی ہے۔محمد لاریب حسن ایک لڑکی کے ساتھ جی نائن ون فلیٹس کے ساتھ پارک میں بیٹھے تھے کہ نامعلوم ملزمان نے ان پر فائرنگ کردی۔ لڑکی کی شناخت علینہ کے نام سے ہوئی ہے۔

ایس پی انویسٹی گیشن اور ایس پی صدر زون نے واقعے کی تحقیقات شروع کردی ہے۔ جب کہ سوشل میڈیا پر چلنے والی خبروں کے مطابق لاریب حسن میجر کے عہدے پر فائز تھے۔ ڈاکوؤں نے ان سے موبائل چھیننے کی کوشش میں فائرنگ کی جس سے وہ جاں بحق ہو گئے۔ بتایا گیا ہے کہ لاریب موسیقی سے بھی گہرا لگا رکھتے تھے۔

ذرائع نے ڈیلی اردو کو بتایا کہ علینہ نامی لڑکی ائیر بلیو میں بطور ایگزیکٹو کام کر رہی ہے۔ ذرائع کا کہ علینہ نامی لڑکی اس وقت زیر تفتیش ہے۔ پولیس ذرائع کا کہنا تھا کہ واقع ڈکیتی کا نہیں تھا تفتیش کر رہے ہیں۔

دوسری جانب پولیس نے میجر لاریب کے بھائی فلائٹ لیفٹیننٹ محمد زوہب والد محمد اختر علی کے مدعیت میں نامعلوم افراد کے خلاف مقدمہ درج کرلیا۔ مقتول محمد لاریب کے بھائی نے پولیس کو تحریری درخواست میں موقف اختیار کیا ہے کہ بھائی لاریب جی ٹین میں علینہ نامی لڑکی کے ساتھ تھا جسے نامعلوم لوگوں نے ناحق قتل کر دیا۔

جبکہ پولیس نے علینہ انجم نامی لڑکی کا تحریری بیان بھی لے لیا ہے، اپنے بیان میں علینہ دختر انجم حسین سکنہ سیالکوٹ کا کہنا تھا کہ لاریب اور میں فیملی فرینڈ ہیں اور کل واک کر رہے تھے، اچانک دو لوگ آئے اور ہمیں کہا کہ جو کچھ ہے نکال دو، لاریب نے کہا دو منٹ میں دے دیتے ہیں، اسی دوران ملزمان نے فائر کھول دیا۔