افغانستان میں طالبان کے ٹھکانے پر حملہ، 6 اہلکار ہلاک و زخمی ہونے کا دعویٰ

کابل(ڈیلی اردو) افغانستان کی مسلح مزاحمتی تنظیم “آزادی محاذ” نے صوبہ نورستان میں طالبان کے ایک ٹھکانے پر حملے کے دوران 6 طالبان اہلکاروں کے ہلاک اور زخمی ہونے کا دعویٰ کیا ہے۔

آزادی محاذ نے ایک بیان میں کہا ہے کہ گزشتہ رات ضلع دوآب میں طالبان کے ایک فوجی اڈے کو نشانہ بنایا گیا۔ محاذ کے مطابق کارروائی کے نتیجے میں 2 طالبان اہلکار ہلاک جبکہ 4 دیگر زخمی ہوئے۔

بیان میں مزید کہا گیا ہے کہ حملے کے بعد علاقے میں صورتحال سے متعلق مزید تفصیلات سامنے نہیں آسکی ہیں۔

یہ واقعہ ایسے وقت میں پیش آیا ہے جب افغانستان میں طالبان کی حکومت کو پانچ سال مکمل ہونے کے قریب ہیں اور طالبان مخالف مسلح گروہوں کی جانب سے بھی مختلف علاقوں میں کارروائیوں کی اطلاعات سامنے آ رہی ہیں۔