افغانستان میں مسلح افراد کی فائرنگ سے 5 شہری ہلاک، 11 زخمی

کابل (ڈیلی اردوشِنہوا) افغانستان کے مغربی صوبہ ہرات میں منگل کی رات فائرنگ کے باعث 2 خواتین اور ایک بچہ سمیت پانچ افراد ہلاک جبکہ 11 افراد زخمی ہوگئے ہیں۔

وزارت داخلہ کے نائب ترجمان احمد ضیا ضیا نے شِنہوا کو بتایا کہ متاثرین ایک خاندان کے ارکان ہیں جو مضافاتی ضلع کے باغ میں سیروتفریح کیلئے جارہے تھے۔

انہوں نے کہاکہ واقعہ صوبائی صدرمقام ہرات شہر کے شمال میں واقع ضلع انجیل کے گاؤں نا آباد میں مقامی وقت کے مطابق رات تقریباً 10بجے پیش آیا، انہوں نے مزید کہا کہ افغان قومی پولیس کے اہلکاروں نے زخمیوں کو ہسپتال منتقل کیا۔

ذرائع کے مطابق فوری طور پر واقعہ کی وجہ معلوم نہیں ہوسکی تاہم تحقیقات جاری ہیں۔

عہدیدار نے واقعہ میں طالبان عسکریت پسندوں کے ملوث ہونے کومسترد نہیں کیا، حالیہ سالوں کے دوران صوبہ طالبان اور قومی سکیورٹی فورسز کے درمیان شدید جھڑپوں کا مرکز بنا ہوا ہے۔