افغانستان کے 31 صوبوں میں رات کا کرفیو نافذ

کابل (ڈیلی اردو) افغان حکومت نے پرتشدد حالات اور طالبان کی سرگرمیوں پر قابو پانے کیلئے ملک کے 34 میں سے 31 صوبوں میں رات کا کرفیو نافذ کردیا۔

غیر ملکی خبر ایجنسی کے مطابق وزارت داخلہ نے ایک بیان میں کہا ہے کہ تشدد میں کمی اور طالبان کی سرگرمیاں روکنے کیلئے 31 صوبوں میں رات کا کرفیو نافذ کردیا گیا ہے۔

مقامی وقت کے مطابق کرفیو رات 10 بجے سے لے کر صبح بجے تک رہے گا، اس دوران غیر ضروری طور پر باہر نکلنے پر پابندی ہوگی۔

افغان وزارت داخلہ کے مطابق کابل، ننگرہار اور پنج شیر صوبے رات کے کرفیو سے مستثنٰی ہوں گے۔

دوسری جانب افغان وزارت دفاع نے 24 گھنٹوں میں 13 صوبوں میں افغان فورسز کے آپریشن میں 262 طالبان جنگجو ہلاک کرنے کا دعوٰی کیا ہے۔