امریکی فورسز کی شام میں کارروائی، داعش رہنما حذیفہ الیمنی دو ساتھیوں سمیت گرفتار

واشنگٹن (ڈیلی اردو) امریکی فورسز نے شام میں کارروائی کے دوران داعش کے اہم کارکن حذیفہ الیمنی کو اس کے دو ساتھیوں سمیت گرفتار کرلیا۔

امریکی سینٹرل کمانڈ کے بیان کے مطابق امریکی فورسز نے شام کے مشرقی علاقے میں ہیلی کاپٹر کے ذریعے چھاپا مار کارروائی کے دوران حذیفہ الیمنی کو دو ساتھیوں کے ساتھ حراست میں لیا۔

U.S. Central Command forces conducted a helicopter raid in eastern Syria late on the evening of April 8, capturing Hudayfah al Yemeni, an ISIS attack facilitator, and two of his associates. https://t.co/sDQMU0omu8 pic.twitter.com/duyJ8LuRfx

— U.S. Central Command (@CENTCOM) April 12, 2023

سینٹرل کمانڈ نے کہا کہ داعش ارکان کی گرفتاری سے تنظیم کی منصوبہ بندی اور آپریشن کی صلاحیت متاثر ہوگی۔

امریکی کارروائی میں کوئی شہری ہلاک یا زخمی نہیں ہوا۔

واضح رہے کہ کچھ روز قبل امریکا نے شام میں داعش کے سینئر رہنما خالد احمد الجبوری کو بھی ہلاک کیا تھا۔