ایرانی سپریم لیڈر نے امریکہ سے براہِ راست مذاکرات کی اجازت دے دی

تہران (ڈیلی اردو) ایران کے سپریم لیڈر آیت اللہ مجتبیٰ خامنہ ای نے ایرانی حکام کو امریکہ کے ساتھ براہِ راست مذاکرات کی اجازت دے دی ہے۔

جمعرات کی شام ایرانی میڈیا نے ایران اور امریکہ کے درمیان مفاہمتی یادداشت (ایم او یو) کے حوالے سے سپریم لیڈر سے منسوب ایک بیان نشر کیا، جس کے مطابق انہوں نے اس مفاہمتی یادداشت پر دستخط کی منظوری دے دی ہے۔

بیان کے مطابق صدر مسعود پزشکیان نے سپریم لیڈر کو آگاہ کیا کہ اگر امریکہ حد سے زیادہ مطالبات کرے گا تو ایران انہیں قبول نہیں کرے گا۔

سپریم لیڈر نے اپنے پیغام میں بالواسطہ طور پر ایرانی اور امریکی حکام کے درمیان براہِ راست مذاکرات کی بھی اجازت دیتے ہوئے کہا کہ “آئندہ ہونے والے براہِ راست مذاکرات کا مقصد دشمن کے مؤقف کو تسلیم کرنا نہیں ہوگا۔”

یہ پیش رفت ایران اور امریکہ کے درمیان جاری سفارتی کوششوں میں ایک اہم پیش رفت سمجھی جا رہی ہے۔