ایرانی صدر کا فلسطینی عسکریت پسند رہنماؤں سے رابطہ

تہران (ڈیلی اردو) ایران کے سرکاری میڈیا کے مطابق ایرانی صدر نے حالیہ تازہ ترین پیش رفت کے بعد فلسطینی عسکریت پسند گروہ حماس اور اسلامی جہاد کے رہنماؤں سے بات چیت کی ہے۔

#Iranian President Ebrahim Raisi held a phone conversation with Ziyad al-Nakhaleh, the Secretary-General of the Islamic Jihad Movement, and Ismail Haniyeh, the Head of the Political Bureau of the Islamic Resistance Movement, discussing the recent developments in #Palestine and… pic.twitter.com/ly2auP8t3p

— Tasnim News Agency (@Tasnimnews_EN) October 8, 2023

ایرانی صدر ابراہیم رئیسی کی دونوں رہنماؤں کے ساتھ گفتگو کی تفصیلات تا حال ظاہر نہیں کی گئیں۔

واضح رہے کہ حماس کو ایران کی حمایت حاصل ہے جو اسے مالی اعانت کے ساتھ ساتھ اسلحہ اور تربیت فراہم کرتا ہے۔

اسرائیلی حکومت کا کہنا ہے کہ سنیچر سے اب تک حماس کے حملے میں 600 سے زیادہ اسرائیلی شہری ہلاک جبکہ 2000 سے زیادہ افراد زخمی ہوئے ہیں۔ حکومت کا کہنا ہے کہ 100 سے زیادہ اسرائیلی شہریوں کو یرغمال بنایا گیا ہے۔

دوسری طرف غزہ میں وزارت صحت کے مطابق اسرائیلی فضائی حملوں میں 413 فلسطینی ہلاک ہوئے ہیں جبکہ زخمیوں کی تعداد قریب 2300 بتائی گئی ہے۔