ایران: صدی کی ڈیل خطے اور دنیا کیلئے ایک ڈرؤانا خواب ہے: جواد ظریف

تہران (ڈیلی اردو/ارنا) اسلامی جمہوریہ ایران کے وزیر خارجہ نے امریکی نام نہاد امن منصوبہ صدی کی ڈیل کو خطے اور دنیا کیلئے ایک ڈراؤنا خواب قرار دے دیا۔

“محمد جواد ظریف” نے ایک ٹوئٹر پیغام میں مزید کہا کہ امریکہ کا “نام نہاد امن وژن” صرف ایک ناکام ریل اسٹیٹ ڈویلپر کا خام خیالی منصوبہ ہے۔

The so-called "Vision for Peace" is simply the dream project of a bankruptcy-ridden real estate developer.

But it is a nightmare for the region and the world

And, hopefully, a wake-up call for all the Muslims who have been barking up the wrong tree.#LetsUniteForPalestinians pic.twitter.com/j2CJ9JaH9c

— Javad Zarif (@JZarif) January 28, 2020

انہوں نے مزید کہا کہ لیکن اس کا یہ اقدام خطے اور دنیا کیلئے ایک ڈرؤانا خواب ہے۔

ظریف نے اس امید کا اظہار کردیا کہ وہ مسلمان جنہوں نے غط راستے کو اپنانے ہیں، اسی اقدام کے ذریعہ ہوشیار ہو کر صحیح راستے پر گامزن رہیں۔

ایرانی وزیر خارجہ نے اپنے ٹوئٹر پیغام میں ہش ٹیک “آئیں فلسطینیوں کیلئے متحد ہوجائیں” کا استعمال کیا۔

یہ بات قابل ذکر ہے کہ امریکی صدر ڈونلڈ ٹرمپ نے ناجائر صہیونی ریاست کے وزیراعظم نیتن یاہو کے ساتھ وائٹ ہاؤس میں مشترکہ پریس کانفرنس میں مشرق وسطٰی میں قیام امن کے لیے اپنا منصوبہ پیش کیا۔

وائٹ ہاوس میں منعقدہ اس تقریب میں فلسطین کے کسی نمائندے کو مدعو ہی نہیں کیا گیا جب کہ تقریب میں عمان، بحرین اور متحدہ عرب امارات کے سفیروں نے شرکت کی۔

اس حوالے سے اقوام متحدہ کا کہناہے کہ اسرائیل فلسطین امن کے لیے 1967 سے پہلے کی حد بندی کے ساتھ ہیں۔

امریکی صدر کی جانب سے اعلان کیے جانے والے نام نہاد امن منصوبے میں مقبوضہ بیت المقدس کو اسرائیل کا غیر منقسم دارالحکومت رکھنے کا عہد شامل ہے جب کہ فلسطین کو مقبوضہ مشرقی یروشلم کے اندر دارالحکومت بنانے کی اجازت ہوگی۔

اس اقدام کے بعد فلسطین کے تمام چھوٹے بڑے شہروں میں احتجاجی ریلیاں نکالی گئیں۔