ایران پر قیامت خیز بمباری، امریکی و اسرائیلی حملوں کی نئی لہر شروع

واشنگٹن (ڈیلی اردو) امریکی سینٹرل کمانڈ (سینٹ کام) نے سوشل میڈیا پلیٹ فارم ایکس پر ایک ویڈیو جاری کی ہے جس میں امریکی میزائلوں کو اپنے ہدف پر لگتے اور زور دار دھماکے کرتے دکھایا گیا۔ بیان میں کہا گیا:

“ایرانی حکومت کو خبردار کیا گیا تھا۔ سینٹ کام ہدایت کے مطابق تیز اور فیصلہ کن کارروائی کر رہا ہے۔”

دوسری جانب اسرائیلی دفاعی افواج (آئی ڈی ایف) نے اعلان کیا ہے کہ درجنوں لڑاکا طیاروں کے ذریعے حملوں کی ایک نئی لہر شروع کی گئی ہے، جس میں ایرانی میزائل سپلائیز اور دفاعی نظام کو نشانہ بنایا گیا۔

آئی ڈی ایف کے مطابق اسرائیلی فضائیہ نے ایران بھر میں حکومت کے 30 سے زائد اہداف پر حملہ کیا، جن میں فضائی دفاعی نظام، میزائل لانچرز، حکومتی تنصیبات اور فوجی کمانڈ مراکز شامل ہیں۔

صورتحال تیزی سے بدل رہی ہے اور خطے میں کشیدگی انتہائی سطح پر پہنچ چکی ہے۔