ایران کے خلیجی ممالک پر حملے ناقابلِ قبول ہیں، یورپی یونین

برسلز (ڈیلی اردو) یورپی یونین کی خارجہ پالیسی کی سربراہ کایا کلاس نے ایرانی وزیر خارجہ عباس عراقچی کے ساتھ ٹیلی فونک گفتگو میں خلیجی ریاستوں اور ان کے اہم انفراسٹرکچر پر ایران کے حالیہ حملوں کو "ناقابلِ قبول" قرار دیا ہے۔

کایا کلاس نے سوشل میڈیا پر جاری بیان میں کہا کہ خطے میں دوبارہ مکمل جنگ کی صورتحال پورے مشرقِ وسطیٰ کے لیے بھاری قیمت کا باعث بنے گی، جبکہ بحران سے نکلنے کا بہترین راستہ سفارتکاری ہے۔

دوسری جانب عباس عراقچی کا کہنا ہے کہ انہوں نے گفتگو کے دوران ایران پر امریکی حملوں کو "بین الاقوامی قوانین کی خلاف ورزی" قرار دیا اور مؤقف اختیار کیا کہ ان کارروائیوں نے جنگ بندی کو بے معنی بنا دیا ہے۔