باجوڑ: تحصیل برنگ میں نامعلوم دہشتگردوں کی فائرنگ سے پولیس اہلکار ہلاک

باجوڑ (ڈیلی اردو) خیبرپختونخواہ کے شورش زدہ ضلع باجوڑ کی تحصیل برنگ کے علاقے اصیل ترغاؤ میں نامعلوم دہشتگردوں کی فائرنگ سے پولیس اہلکار ارشاد ہلاک ہوگیا۔ پولیس حکام کے مطابق اہلکار ایس ایچ او بخت زمان کے ہمراہ ڈیوٹی پر تعینات تھا کہ اس دوران اسے فائرنگ کا نشانہ بنایا گیا۔

واقعے کی اطلاع ملتے ہی پولیس حکام متحرک ہوگئے، جبکہ علاقے میں پیش آنے والے واقعے سے متعلق معلومات جمع کی جا رہی ہیں۔ پولیس نے واقعے کی تحقیقات شروع کر دی ہیں تاکہ فائرنگ میں ملوث دہشتگردوں کا سراغ لگایا جا سکے۔

ڈی ایس پی سعید الرحمان کے مطابق واقعے کی تحقیقات جاری ہیں، تاہم حملے سے متعلق مزید تفصیلات تاحال سامنے نہیں آ سکیں۔