باجوڑ میں دھماکا، سرکاری اسکول کا ٹیچر ہلاک

خار (ڈیلی اردو) صوبہ خیبر پختونخوا کے قبائلی ضلع باجوڑ کے علاقہ ماموند کے قریب بم دھماکے میں گورنمنٹ ہائی اسکول بدان کے ایک استاد ہلاک ہوگئے۔
ہلاک ہونے والے استاد کی شناخت مفتی شفیع اللہ کے نام سے ہوئی۔

اطلاع ملنے پر ریسکیو 1122 کی میڈیکل ٹیم نے دھماکے میں زخمی مفتی شفیع اللہ کو تشویشناک حالت میں ڈسٹرکٹ ہیڈ کوارٹر ہسپتال خار باجوڑ منتقل کیا تھا جہاں پر زخموں کے تاب نہ لاتے ہوئے وہ ہسپتال میں دم توڑ گئے۔

ریسکیو1122 باجوڑ

علاقہ ماموند گاوں بدانو کے قریب مبینہ بم دھماکہ, مفتی شفیع اللہ شدید زخمی

ریسکیو1122 میڈیکل ٹیم نے بروقت موقع پر پہنچ کرطبی امدادی فراہم کرتے ہوئے تشویشناک حالت میں ڈسٹرکٹ ہیڈکوارٹر ہسپتال خار باجوڑ منتقل کیا جہاں زخموں کی تاب نہ لاتے ہوئے ہسپتال میں دم توڑگیا pic.twitter.com/WihuRyfMky

— KP_Rescue1122 (@KPRescue1122) April 13, 2022

ڈی پی او عبدالصمد خان نے میڈٰیا سے بات چیت کرتے ہوئے کہا ہے کہ باجوڑ پولیس نے واقعہ کی تحقیقات کیلئے سرچ آپریشن کا آغاز کردیا ہے۔

پولیس کے مطابق مفتی شفیع اللہ ڈیوٹی کیلئے اسکول جا رہے تھے کہ راستے میں نصب بم سے ٹکرا گئے۔