بلوچستان میں سکیورٹی فورسز نے کالعدم ٹی ٹی پی کے 47 دہشت گرد ہلاک کر دیے

کوئٹہ (ڈیلی اردو) پاکستان کے شورش زدہ صوبے بلوچستان میں سکیورٹی فورسز نے 7 سے 9 اگست کے دوران کی جانے والی کارروائی میں کالعدم تحریک طالبان پاکستان (ٹی ٹی پی) کے 47 دہشت گردوں کو ہلاک کر دیا۔ ذرائع کے مطابق یہ دہشت گرد بارڈر کراس کرنے کی کوشش کر رہے تھے تاکہ ممکنہ دہشت گردانہ کارروائی انجام دے سکیں۔

سکیورٹی ذرائع کا کہنا ہے کہ مارے جانے والوں میں زیادہ تر افغان دہشت گرد شامل تھے اور ان کی لاشیں افغانستان کی طرف گریں۔ ہلاک شدگان کی لاشوں کو افغانستان کی جانب سے اٹھانے میں تاخیر ہوئی اور تقریباً 15 دن تک یہ لاشیں وہاں گلتی سڑتی رہیں۔

سیکورٹی ذرائع کے مطابق 25 اگست کو یہ لاشیں گدھوں پر لاد کر لے جائی گئیں اور کالعدم ٹی ٹی پی کے یہ 47 دہشت گرد جانوروں کی خوراک بن گئے۔

سکیورٹی ذرائع نے اس کارروائی کو پاکستان کی فورسز اور متعلقہ اداروں کی بڑی کامیابی قرار دیا، کیونکہ دہشت گردوں کی اس بڑی تعداد کو ممکنہ حملے سے قبل ہی ختم کر دیا گیا۔