بلوچستان: چاغی میں سیکیورٹی فورسز کی گاڑی کو حادثہ، 2 اہلکار جاں بحق، 5 زخمی

کوئٹہ (نمائندہ ڈیلی اردو) صوبہ بلوچستان کے ضلع چاغی میں ایف سی کی گاڑی اور ٹرک میں تصادم ہوا ہے جس کے نتیجے میں 2 ایف سی اہلکار جاں بحق اور 5 زخمی ہوگئے۔

تفصیلات کے مطابق ضلع چاغی میں دالبندین کے قریب ایک فوجی گاڑی اور ٹرک کے تصادم میں فرنٹیر کور بلوچستان کے دو اہلکار جاں بحق اور پانچ زخمی ہوگئے۔

#Roadaccident, at least #Six people including two #Frontier Corps (FC) men were killed while five FC men injured in two different road accidents occurred at Khozak Top #KillaAbdullah & Chagi #Balochistan

— ???????? (@Info_Balochistn) October 13, 2019

فرنٹیر کور کی گاڑی عازمین کی سکیورٹی ڈیوٹی کی ادائیگی کے بعد دالبندین واپس جارہی تھی۔

جاں بحق فوجیوں اور زخمی اہلکاروں کو دالبندین میں فرنٹیر کور ہسپتال منتقل کردیا گیا جہاں زخمیوں کا علاج کیا گیا اور بعد میں مزید علاج کے لئے کوئٹہ بھیج دیا گیا۔

جاں بحق ہونے والے فوجیوں میں سپاہی عبدالقادر اور سپاہی عبدالعزیز شامل ہیں جن کی میتیں ان کے آبائی شہروں کو بھیجی جارہی ہیں۔