بنوں: پولیس چوکی پر شدت پسندوں کا حملہ، پانچ اہلکار زخمی

بنوں (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع بنوں میں شدت پسندوں نے پولیس چوکی پر حملہ کیا، جس کے نتیجے میں پانچ اہلکار زخمی ہو گئے۔

حکام کے مطابق ہویدکی چوکی شیخ لنڈک پر نامعلوم شدت پسندوں نے چھوٹے اور بڑے ہتھیاروں سے فائرنگ کی۔ حملے کے بعد پولیس کی بھاری نفری اور ایمبولنسیں جائے وقوعہ پر پہنچ گئیں۔

چار زخمی اہلکاروں کو فوری طور پر ڈی ایچ کیو اسپتال بنوں منتقل کیا جا رہا ہے، جبکہ ایک معمولی زخمی کانسٹیبل کو ابتدائی طبی امداد کے بعد چوکی پر ہی رکھا گیا ہے۔

پولیس کا کہنا ہے کہ اہلکاروں کی جانب سے بھرپور جوابی کارروائی کی گئی، جس کے باعث شدت پسندوں کو بھی جانی نقصان پہنچنے کا خدشہ ہے۔

واقعہ کے بعد علاقے میں سرچ آپریشن جاری ہے اور پولیس کی بھاری نفری چوکی کے اطراف تعینات کر دی گئی ہے۔