بنگلا دیشی اور بھارتی فوج میں جھڑپ، ایک بھارتی فوجی ہلاک، ایک زخمی

نئی دہلی (ویب ڈیسک) بنگلا دیش اور بھارت کے سرحدی علاقے میں بنگلادیشی سرحدی گارڈز کی فائرنگ سے ایک بھارتی فوجی ہلاک اور ایک زخمی ہوگیا۔

بھارتی میڈیا کے مطابق بنگلا دیشی اور بھارتی افواج کے درمیان اشتعال انگیزی کا واقعہ دونوں ممالک کے سرحدی علاقے میں پیش آیا جہاں بھارت کی بارڈر سیکیورٹی فورس (بی ایس ایف) کے اہلکار ایک بھارتی ماہی گیر کو بنگلا دیشی سرحدی گارڈز (بی جی بی) کی حراست سے واپس لینے گئے تھے۔

Border Security Force (BSF) Head Constable, Vijay Bhan Singh lost his life today after Border Guards Bangladesh (BGB) troops opened fire on a BSF party which was trying to trace an Indian fisherman along Indo-Bangla Border. He was part of the BSF's search party. pic.twitter.com/RMuc6Uwpv0

— ANI (@ANI) October 17, 2019

بنگلا دیش کی جانب سے تین بھارتی ماہی گیروں کو حراست میں لیا گیا تھا جن میں سے 2 کو رہا کردیا گیا جب کہ ایک کو رہا کرنے سے انکار کردیا گیا تھا۔

اس لیے جب بھارتی اہلکار اپنے ماہی گیر کی واپسی کیلئے بنگلا دیشی سرحدی حکام سے ملنے گئے تو اس دوران فائرنگ کا واقعہ پیش آیا جس میں ایک بھارتی اہلکار ہلاک اور ایک زخمی ہوگیا۔

WB: Border Guards Bangladesh (BGB) troops opened fire on BSF party which was trying to trace an Indian fisherman. Head Constable Vijay Bhan Singh received bullet injuries on his head & later succumbed to his injuries. Another Constable has been taken to a hospital in Berhampore. pic.twitter.com/WKyLFxRBfv

— ANI (@ANI) October 17, 2019

واقعے کے بعد بی ایس ایف چیف اور بنگلہ دیشی ہم منصب کے درمیان ہونے والی فلیگ میٹنگ میں واقعے کی تحقیقات کرانے پر اتفاق کیا گیا ہے۔

واضح رہے کہ فائرنگ کے اس واقعے کو غیر معمولی سمجھا جارہا ہے کیونکہ بنگلا دیشی اور بھارتی فورسز میں گذشتہ 20 سالوں میں اشتعال انگیزی کا ایسا کوئی واقعہ پیش نہیں آیا ہے۔