بھارت: دہلی کار دھماکے میں ملوث ایک اور شخص کی گرفتاری کا دعویٰ

نئی دہلی (ڈیلی اردو/بی بی سی) بھارت کے دارالحکومت نئی دہلی کے لال قلعہ کے علاقے میں ہونے والے دھماکے کے نتیجے میں 11 افراد ہلاک اور متعدد زخمی ہوئے تھے۔

انڈیا کی نیشنل انویسٹی گیشن ایجنسی (این آئی اے) نے گذشتہ ماہ انڈیا کے دارالحکومت دہلی میں لال قلعہ کے قریب ہوئے کار بم دھماکہ میں ملوث ایک اور ملزم کو گرفتار کرنے کا دعویٰ ہے۔

سماجی رابطے کی ویب سائٹ ایکس پر جاری ایک بیان میں این آئی اے کا کہنا تھا کہ ادارے نے منگل کے روز دہلی بم دھماکہ کیس میں ملوث ایک اور اہم ملزم کو گرفتار کیا ہے۔

ایجنسی کے مطابق ملزم ڈاکٹر بلال ناصر انڈیا کے زیرِ انتظام کشمیر کے علاقے بارہمولا کا رہائشی ہے اور اسے دہلی سے گرفتار کیا گیا ہے۔

بیان کے مطابق، این آئی اے کا کہنا ہے کہ ڈاکٹر بلال ناصر ’دہشت گردانہ حملے کی سازش میں ملوث پایا جس کے نتیجے میں لال قلعہ کے علاقے میں 11 افراد ہلاک اور متعدد زخمی ہوئے تھے۔‘

’این آئی اے کی تحقیقات کے مطابق، بلال نے جان بوجھ کر مقتول ملزم عمر النبی کو پناہ اور لاجسٹک سپورٹ فراہم کی تھی۔ اس پر دہشت گرد حملے سے متعلق شواہد کو تباہ کرنے کا بھی الزام ہے۔

‘

خیال رہے کہ گذشتہ ماہ دہلی کار دھماکے بعد دعویٰ کیا تھا کہ عمر النبی دھماکے میں استعمال ہونے والی گاڑی چلا رہے تھے۔

بی بی سی ہندی کے مطابق، اب تک اس کیس میں آٹھ افراد کو گرفتار کیا جا چکا ہے۔