بھارت کا 5 ہزار کلومیٹر تک ہدف کو نشانہ بنانیوالے اگنی 5 میزائل کا کامیاب تجربہ

نئی دہلی (ڈیلی اردو) بھارت نے ریاست اڑیسہ کے ساحل پر 5 ہزار کلو میٹر رینج کے اگنی 5 میزائل کا کامیاب تجربہ کر لیا ہے۔

بھارتی نیوز ایجنسی اے این آئی کے مطابق بھارت نے لداخ میں چین کے ساتھ گزشتہ 17 ماہ سے جاری فوجی تصادم کے بعد اپنی جنگی صلاحیتوں کو بڑھانا شروع کیا ہے اور اب زمین سے زمین تک 5 ہزار کلومیٹر تک مارکرنے والے میزائل اگنی 5 کا تجربہ کیا ہے۔

Surface to Surface Ballistic Missile, Agni-5, successfully launched from APJ Abdul Kalam Island, Odisha, today. The missile, which uses 3-stage solid-fuelled engine, is capable of striking targets at ranges up to 5,000 kilometres with a very high degree of accuracy: Govt of India pic.twitter.com/vrAI2y2LhD

— ANI (@ANI) October 27, 2021

اس حوالے سے بھارتی وزارت دفاع کا کہنا ہے کہ اگنی 5 کے کامیاب تجربے سے چین کے زیادہ تر جنوبی حصے ہمارے نشانے پر آ گئے ہیں۔

بھارتی حکام کا کہنا ہے کہ اس تجربے کی دو نمایاں باتیں ہیں اول یہ کہ یہ ٹرائی سروس اسٹریٹیجک فورسز کمانڈ کی جانب سے بننے والا ملک کا پہلا بین براعظمی بیلسٹک میزائل ہے، دوسرایہ کہ یہ پہلا میزائل ہے جسے رات کے وقت لانچ کرنے سے قبل سات بار ٹیسٹ کیا گیا۔

ٹائمز آف انڈیا کے مطابق ڈیڑھ ٹن وزنی وار ہیڈ لے جانے کی صلاحیت رکھنے والے اس میزائل کو بھارتی وقت کے مطابق 7 بج کر 50 منٹ پر اڑیسہ کے ساحل کے قریب اے پی جی عبدالکلام جزیرے سے فائر کیا گیا۔ زمین سے زمین تک 5 ہزار کلومیٹر تک درست نشانہ لگانے کی صلاحیت رکھنے والے اس میزائل میں تین مرحلوں پر مشتمل ٹھوس ایندھن والا انجن استعمال کیا گیا۔