خیبر: وادی تیراہ میں سکیورٹی فورسز اور دہشتگردوں میں جھڑپ، 2 فوجی اور 2 دہشتگرد ہلاک، 4 زخمی

راولپنڈی (ش ح ط/ک م) صوبہ خیبر پختونخوا کے قبائلی ضلع خیبر کی وادی تیراہ میں سکیورٹی فورسز اور دہشت گردوں کے درمیان فائرنگ کے تبادلے میں 2 فوجی اور 2 دہشت گرد ہلاک ہوگئے۔

A Pakistani soldier has been reportedly killed in Tirah valley in a cross-border militant attack from Afghanistan. There are also reports of 3-4 militants being injured in retaliatory gunfire by Pakistani forces. #Pakistan https://t.co/xci6ST0Iz1

— FJ (@Natsecjeff) April 25, 2023

پاکستانی فوج کے شعبہ تعلقات عامہ (آئی ایس پی آر) کے مطابق ہلاک دہشت گردوں سے اسلحہ اور گولہ بارود برآمد کرلیا گیا، مقابلے میں 4 دہشت گرد زخمی بھی ہوئے۔

آئی ایس پی آر نے بتایا ہے کہ شدید فائرنگ کے تبادلے میں 2 سپاہیوں وقاص علی شاہ اور باسط علی نے بہادری سے لڑتے ہوئے جامِ شہادت نوش کیا۔

آئی ایس پی آر کے مطابق دہشت گردوں کی تحویل سے بھاری مقدار میں اسلحہ اور گولہ بارود بھی برآمد کرلیا گیا۔

سیکیورٹی فورسز کا دہشتگردوں کو کیفر کردار تک پہنچانے کے لیے علاقے میں سرچ آپریشن بھی جاری ہے۔

آئی ایس پی آر کے مطابق سکیورٹی فورسز ملک سے دہشتگردوں کے خاتمے کے لیے پرعزم ہیں، بہادر جوانوں کی ایسی قربانیاں ہمارے عزم کو مزید مضبوط کرتی ہیں۔