خیبر پختونخوا: ٹانک میں سیکورٹی فورسز کا زمینی اور فضائی آپریشن، 2 فوجی اور 3 دہشت گرد ہلاک

ٹانک (ڈیلی اردو) صوبہ خیبر پختونخوا کے ضلع ٹانک کے علاقے کڑی حیدر اور ملحقہ علاقوں میں سیکورٹی فورسز کے زمینی اور فضائی آپریشن جاری ہے۔

سرکاری حکام کے مطابق آپریشن کے دوران جھڑپوں میں دو فوجی اور تین دہشت گرد مارے گئے ہیں۔

انہوں نے کہا کہ باخبر زرائع سے اطلاع ملی ہے کہ کل پولیس پر ہونے والے حملے کے بعد حملہ آور کڑی حیدر اور ملحقہ علاقوں میں چھپے ہوئے ہیں اور مزید حملوں کی منصوبہ بندی کر رہے ہیں۔

تاہم مقامی لوگوں نے بتایا کہ آپریشن کے دوران جنگی ہیلی کاپٹروں سے ایک مقامی باشندے باطن خان بیٹنی کے گھر کو بھی نشانہ بنایا گیا ہے جس میں خواتین اور بچوں سمیت متعدد افراد کی زخمی ہونے کی اطلاع ہیں اور انہیں ریسکیو کرنے کی اشد لیکن مقامی ابادی بھی گھروں میں محصور ہے اور باہر جانے کی اجازت نہیں دے رہے۔

‏نوٹ: یہ ابتدائی خبر ہے جس میں تفصیلات شامل کی جا رہی ہیں۔