سعودی عرب : دہشت گردی کے مقدمات میں 5 شہریوں کی سزائے موت پر عمل درآمد

ریاض(ڈیلی اردو) سعودی عرب کی وزارتِ داخلہ نے دہشت گردی سے متعلق جرائم میں سزا پانے والے 5 سعودی شہریوں کی سزائے موت پر عمل درآمد کا اعلان کیا ہے۔ وزارت کے مطابق یہ کارروائی ہفتے، 17 اکتوبر 2026 کو مشرقی صوبے میں کی گئی۔

سعودی حکام کے مطابق سزا پانے والے افراد پر ایک غیر ملکی دہشت گرد تنظیم سے وابستگی، سکیورٹی اہلکاروں، سکیورٹی مراکز اور سرکاری گاڑیوں پر فائرنگ اور دھماکا خیز مواد کے استعمال، غیر قانونی اسلحہ و زندہ گولہ بارود رکھنے اور مملکت میں دہشت گرد کارروائیوں کی مالی معاونت کے الزامات ثابت ہوئے تھے۔ وزارتِ داخلہ کا کہنا ہے کہ تفتیش کے بعد مقدمات متعلقہ عدالت میں پیش کیے گئے، جہاں سزائے موت سنائی گئی، جبکہ اپیل اور سپریم کورٹ سے فیصلوں کی توثیق کے بعد ان پر عمل درآمد کیا گیا۔