سی ٹی ڈی کی کراچی میں کارروائی، تحریک طالبان پاکستان کا انتہائی مطلوب دہشت گرد گرفتار

اسلام آباد (ش ح ط) کاؤنٹر ٹیرارزم ڈیپارٹمنٹ (سی ٹی ڈی) نے کراچی میں بٹی کارروائی کرتے ہوئے کالعدم تنظیم تحریک طالبان پاکستان کا انتہائی مطلوب اور خطرناک دہشت گرد کو گرفتار کر لیا۔

ایس ایس پی کراچی غلام سرور ابڑو کے مطابق کاؤنٹر ٹیرارزم ڈیپارٹمنٹ (سی ٹی ڈی) نے کراچی کے قریب سپر ہائی وے کے قریب کارروائی کی ہے جس میں کالعدم تنظیم تحریک طالبان پاکستان کا انتہائی مطلوب دہشت گرد محمد زمین عرف نوراسلام کو گرفتار کر لیا گیا جس کے قبضے سے ہینڈ گرنیڈ اور اسلحہ بھی برآمد ہوا ہے۔ ان کا مزید کہنا تھا کہ گرفتار دہشتگرد نے 2015 میں وزیرستان میں میجر فتح یحیی اور پاک فوج کے جوانوں کو شہید کیا تھا۔ ملزم نے شہید میجر فتح یحیی کا سر کاٹ کر ساتھ لے گیا تھا اور 40 لاکھ روپے انعام بھی حاصل کیا تھا۔

انہوں نے بتایا کہ پاکستان گرفتار دہشت گرد تحریک طالبان پاکستان کا سابق امیر مولوی فقیر محمد اور نائب امیر گل محمد کا قریبی ساتھی ہے۔

انہوں نے مزید بتایا کہ گرفتار دہشت گرد افغانستان سے تربیت یافتہ اور بم بنانے کا ماہر ہے۔

گرفتار دہشت گرد مختلف مقامات پر متعدد دہشت گردی کے واقعات میں بھی ملوث رہا ہے، گرفتار دہشتگرد کے قبضہ سے ہینڈ گرنیڈ اور اسلحہ اور دیگر مواد برآمد کیا ہے۔